Xiddiga reer England ee Jude Bellingham ayaa ayaa shaaciyey sida ugu fudud ee ay kooxdiisa Real Madrid ula saxeexan karayso weeraryahanka reer France ee Kylian Mbappe ee ay sida weyn u doonayaan.
Real Madrid oo saddex jeer oo hore ku guul-darraysatay inay la saxeexato Kylian Mbappe ayaa markii afraad hadda dhaxda u xidhatay, waxaana ay dalab ka gudbinayaan maalmaha soo socda si ay bisha January heshiiskiisa usii dhamaystiraan.
Mbappe oo qandaraaskiisa PSG uu ku egyahay dhamaadka xilli-ciyaareedkan, ayaa waxa ay Madrid doonaysaa in ay si bilaash ah kusoo qaadato xagaaga, iyaga oo siinaya lacag ka badan 130 milyan oo Euro oo gunnada saxeexa heshiiska ah iyo 26 milyan oo Euro oo mushaharkiisa sannadkii hore.
Real Madrid ayaa waxa ay markeedii koowaad isku dayday inay la saxeexato Mbappe sannadkii 2017 isaga oo joogay Monaco, laakiin waxa ka hor qaadday PSG, ase yeeshee sannadkii 2021 ayay dhawr dalab oo kala dambeeyey ka gudbiyeen, waxaana waqtigaas ay dul-dhigeen £189 milyan oo Gini oo ay PSG iska diidday inay kaga iibiso.
Hadda ayay Real Madrid haysataa fursad ay si bilaash ah kula saxeexato Mbappe, waxaanu sharcigu u ogolaanayaa in bisha January ee maalinta kali ahi ka hadhay inay heshiis hordhac ah lasii gaadhaan, waana qorshaha ugu weyn ee Los Blancos.
Si kastaba ha ahaatee, Jude Bellingham ayaa la sheegay in Real Madrid uu tusaale ugu noqonayo saxeexa Mbappe oo ay isaga u isticmaali doonaan, waxaana la tuhunsan yahay in Bellingham iyo Perez ay isla soo qaadeen arrintaas.
Qorshaha ayaa ah in Bellingham uu isku dayo in Mbappe uu ku qanciyo inuu kula soo biiro Santiago Bernabeu si ay ugu wada guuleystaan koobab waaweyn, isla markaana laacibka reer France uu ugu guuleysan karo abaal-marinta Ballon d’Or.
Be the first to comment