Weeraryahanka reer Nigeria ee Victor Osimhem ayaa barihiisa bulshada ka saaray dhamaan sawirradii uu ku labbisnaa garanka kooxdiisa Instagram, sidoo kalena waxa uu tirtiray muuqaalladii ugu jiray bartiisa TikTok, kaddib markii uu soo baxay muuqaal ay kooxdu ku maadsanayso oo lasoo geliyey baraha bulshada.
Salaasadii ayuu dhacay falkan oo ka cadhaysiiyey laacibkan, kaddib barbarro goolal la’aan ah oo ay la galeen Bologna oo uu rikoodhe khasaariyey.
Muuqaalka ayaa ahaa Victor Osimhem oo luminaya rikoodhaha oo la dul-saaray cod lagu bahdilayo laacibkan, taas oo keenaysa in uu soo afjaro waayihiisa horyaalka Serie A oo 107 kulan oo uu u saftay uu u dhaliyey 62 gool.
24 jirkan oo uu wakiilkiisu xalay sheegay in ay maxkamad la tiigsanayaan Napoli, ayaa waxa lala xidhiidhinayaa kooxaha horyaalka waddanka Ingiriiska ee Premier League.
Osimhem oo sabab u ahaa in Napoli ay ku guuleysato horyaalka Serie A oo ay 33 sannadood ka hor ugu dambaysay, ayaa waxa uu hore usoo kala saaray naadiyada Premier League ee uu hungurigu kaga jiro, waxaana uu sheegay in uu doonayo in uu tago horyaalka Premier League.
Be the first to comment