Dunida oo dhan ayaa kusii jeedda waddanka Germany oo uu Jimcaha ka furmayo tartanka qaramada Yurub ee Euro 2024, waxaana kusii qulqulaya ciyaartoyda xulalka oo qaarkood maanta ay gaadheen, sida ciyaartoyda xulka England oo gellinkii dambe ka degay dalkaas.
24 waddan oo uu ku jiro dalka martigelinaya ayaa ka qayb-gelaya tartanka qaramada Yurub ee Euro 2024, waxaana laga bixinayaa saadaal kala duwan iyadoo si aad ah hoos loogu dhigayo fursadda xulka qaranka Talyaaniga ee koobka difaacanaya.
Sagaal Khabiir oo ka tirsan wargeyska Daily Mirror ayaa saadaal ka bixiyey tartanka Euro 2024 ee Jimcaha bilaabmaya, waxaanay intooda badan isku raaceen in xulka qaranka Faransiisku uu ku guuleysan doono koobka sannadkan.
Khubaradan saadaasha bixiyey ayaa si aad ah hoos ugu dhigay fursadda xulka Ingiriiska ee koobka oo ay dad badan ku tilmaameen inuu hormoodka ka mid yahay, waxaana codkiisa siiyey hal khabiir oo kaliya, halka afar kale ay Faransiiska koobka u saadaaliyeen.
Halkan kaga bogo saadaasha Khubarada Daily Mirror ee Euro 2024:
John Cross – France
Sam Meade – Germany
David McDonnell – France
Mike Walters – France
James Whaling – England
Neil McLeman – Italy
Simon Mullock – Portugal
Andy Dunn – France
Mark Jones – Portugal
Be the first to comment