Xiddiga khadka dhexe uga ciyaara Arsenal ee Declan Rice ayaa canaan u jeediyey da’yarka Manchester United ee Kobbie Mainoo oo dusha u saaray canaanta guul-darradii xulka qaranka England kasoo gaadhayc iayartii saaxiibtinimo ee Iceland.
Kobbie Mainoo oo xilli-ciyaareedkan bandhig fiican muujiyey, ayaa waxa dhawr jeer lumiyey kubbado, halka uu sidoo kalena u muuqanayey in aanu la haysanin qaab ciyaareedka xulkiisa.
18 jirkan oo uu tababare Gareth Southgate ku qancay bandhiggii uu ka sameeyey garoomada xilli-ciyaareedkii tegay oo uu Manchester United ka caawiyey inay ku guuleysato FA Cup oo uu finalkiina gool u dhaliyey, ayaa waxa uu Declan Rice ku canaantay goolkii uu Iceland u dhaliyey Jon Thorsteinsson.
“Anigu waan da’ yarahay, doorkhayada kale ee khadka dhexe way da’yar yihiin. Markaa, waxa aanu u baahanahay in aanu maalin walba wax barano iyo in aanu kubbad qurux badan dheelno.”
Be the first to comment