Wararka Suuqa Ee Maanta Oo Jimce Ah Iyo Waxa Ka Cusub Diaz, Salah, Gallagher, Jorginho, Greenwood Illaa Cancelo

Kooxda kubadda cagta Liverpool ayaa go’aansatay inay dhegaysato dalabyada laga soo gudbinayo garabka weerarka reer Colombia ee Luis Diaz oo 27 jir ah, kaas oo ay doonayaan inay iibiyaan haddii ay lacag macquul ah ku helaan. Waxase meesha taalla shuruud kale oo ah in Mohamed Salah uu kordhiyo qandaraaskiisa Anfield. (Sun)

Liverpool waxa kale oo ay go’aamisay qiimaha xiddiga reer Masar ee Mohamed Salah oo ay si weyn u doonayaan kooxaha horyaalka waddanka Sucuudigu. Reds ayaa dalbanaysa £100 milyan oo Gini. (Football Transfers)

Tottenham Hotspur ayaa wali si dhow ula socota xaaladda khadka dhexe ee reer England ee Conor Gallagher oo la sheegay in uu diyaar uyahay inuu iskaga tago Chelsea. 24 jiirkan oo la isku raacsan yahay inuu yahay ciyaartoyga ugu fiican Blues waqtigan, ayaa waxa qandaraaskiisa ka hadhsan sannad kaliya. (Daily Mail)

Arsenal waxay wada-hadallo kula jirtaa xiddiga khadka dhexe ee xulka Talyaaniga ee Jorginho oo 32 jir ah oo ay doonayaan inuu sii joogo Emirates Stadium oo uu saxeexo heshiis cusub. (Evening Standard)

Madaxweynaha Napoli ee Aurelio de Laurentiis ayaa sheegay, in aanu ka joojin karaynin xiddiga reer Nigeria ee Vicotor Osimhem damaciisa ah inuu ka tago kooxda xagaaga, balse ay taallo shuruud ah in ciddii doonaysa ay bixiso lacagta lagu burburin karayo qandaraaskiisa. (Sky Sports)

Tababaraha Brighton ee Roberto de Zerbi waxa si weyn u doonaysa Manchester United oo ku beddelaysa Erik ten Hag. (Football Insider)

Getafe waxay diyaar u tahay inay la xaajooto Manchester United si loo kordhiyo heshiiska amaahda ah ee uu kooxda Spain ku joogo Mason Greenwood, kaas oo ay doonayaan inuu sannad kale lasii joogo, amaba si rasmi ah looga iibiyo. (Times)

Barcelona ayaa doonaysa inay sii haysato xiddigaha amaahda kula jooga ee reer Portugal ee Joao Cancelo iyo Joao Felix, laakiin Cancelo ayay suurtogal tahay inay ku iibsadaan 20 milyan oo Euro oo ay diyaar u tahay Man City inay ku fasaxdo. (Sport)

Chelsea waxay doonaysaa goolhayaha Arsenal ee Aaron Ramsdale oo 25 jir ah, xagaaga soo socda. (Football Insider)

Difaaca Chelsea ee Trevoh Chalobah oo 244 jir ah, ayaa doonaya inuu sii joogo Chelsea inkasta oo ay boos la’aani ku hayso. (Teamtalk)

Bayern Munich waxay doonaysaa difaaca dhexe ee reer Portugal ee Antonio Silva oo ah 20 jir ah Benfica ku qiimaysay 100 milyan oo Euro. (Sport)

Kooxaha Talyaaniga ee AC Milan iyo Juventus ayaa xiisaynaysa weeraryahanka reer Morocco ee Youssef En-Nesyri oo 26 jir ah oo sannadkii ugu dambeeyey qandaraaskiisa gelaya xagaaga. (Il Corriere dello Sport)