Tababaraha kooxda kubadda cagta Liverpool ee Jurgen Klopp ayaa xaqiijiyey, in uu dhaawacmay xiddiga khadka dhexe ee kooxdiisa ee Dominik Szoboszlai qaybta dambe ee ciyaartii Newcastle United, waxaana hadda la sugayaa warbixinta dhakhaatiirta kooxda.
Liverpool oo xalay 4-2 ku garaacday Newcastle United, laba ka mid ah goolashan uu u dhaliyey Mohamed Salah oo mid saddexaadna caawiyey, isla markaana khasaariyey rikoodhe sii kordhin lahaa tirada goolashooda, ayaa waxa ay kulankaas ku weyday Dominik Szoboszlai oo garoonka ka baxay isaga oo muruqa dambe ee bowdada gacantiisa ku xajinaya.
Reds oo sidoo kale ay ka tegayaan toddobaadkan Mohamed Salah iyo Wataru Endo oo xulalka waddamadooda Masar iyo Japan uga qayb-gelaya tartamada CAF iyo Asia Cup, ayaa waxa dhaawaca Dominik Szoboszlai ka hadlay Klopp oo yidhi: “Dominik Szoboszlai waxa uu ka dhaawacmay muruqa, waxaananu rajaynaynaa in aanu halis noqon.
Be the first to comment