Isku-aadka wareegga siddeedda Carabao Cup ayaa la sameeyey, waxaana isku beegmay kooxo waaweyn oo jeclaan lahaa in ay kala badbaadaan marxaladdan, isla markaana iskugu yimaaddeen wixii ka dambeeya afar-dhamaadka.
Chelsea, Newcastle United iyo Liverpool ayaa ogaaday dariiqa adag ee ay usii marayaan wareegga xiga ama afar dhamaadka, iyadoo ay qasab tahay in midkood uu tartanka ka hadho Chelsea iyo Newcastle oo isku dhacay wareegga siddeedda.
Manchester United iyo Arsenal oo ka mid ahaa kooxaha la saadaalinayay ayaa xalay guul-darrooyin ay la kulmeen ku hadhay, waxaana garaacay Newcastle United iyo West Ham oo natiijooyin xun-xun dusha u saaray.
Kulamada wareegga siddeedda waxa la ciyaari doonaa December 18, waxaana si weyn isha loogu hayaa Chelsea oo waajihi doonta Newcastle United oo sannadihii ugu dambeeyey ay dhawr jeer isku arkeen tartankan, halka Liverpool oo sannadkii 2022 ku guuleystay koobkan ay qaabbili doonto West Ham United.
Kooxaha kale ee horyaalka Premier League ee Everton iyo Fulham ayaa iyaguna kala calaf-qaadi doona, halka labada kooxood ee heerarka hoose ee Middlesbrough iyo Port Vale ay iyaguna isku dhaceen oo midkood ay tegi doonto semi-finalka.
Isku aadka wareegga siddeedda Carabao Cup oo dhamaystiran
Everton vs Fulham
Chelsea vs Newcastle
Port Vale vs Middlesbrough
Liverpool vs West Ham
Be the first to comment