Khadka dhexe ee Arsenal iyo England ee Emile Smith Rowe oo 23 jir ah, ayaa loo badinayaa in uu u wareegi doono Newcastle United oo dejisay qorshihii ay kusoo qaadan lahayd laacibkan bisha January. (Mirror)
Arsenal ayaa dhinaceeda doonaysa in ay la saxeexato weeraryahanka xulka England iyo kooxda Aston Villa ee Watkins bisha January ee foodda inagu soo haysa. (Fichajes)
Inter Milan ayaa lala xidhiidhinayaa xiddiga khadka dhexe uga ciyaara West Ham ee Tomas Soucek oo 28 jir ah iyo weeraryahanka Leicester City ee Kelechi Iheanacho oo 27 jir ah. (FC Inter News)
Chelsea waxay diyaar u tahay in ay iibiso Trevoh Chalobah oo 24 jir ah bisha January, waxaana si weyn u doonaysa Bayern Munich. (Goal)
PSG ayaa samaynaysa isku-daygii ugu dambeeyey ee ay ku xajisanayso Kylian Mbappe oo 24 jir ah, waxaanay toddobaadka dambe u bandhigaysaa heshiis cusub oo uu ku jiro qodob u ogolaanaya inuu xagaaga qiime aad u hooseeya ugu wareegi karayo Real Madrid. (Sport)
Manchester City waxay heli doontaa £8 milyan oo Gini, haddii ay Liverpool iibsato xiddiga reer Germany ee Leroy Sane oo u ciyaara Bayern Munich. 27 jirkan ayaa waxa heshiiskii ay Munich kagala wareegtay City sannadkii 2020 ku jiray qodob dhigaya in haddii lasii iibiyo ay City helayso £8 milyan oo Gini. (Mirror)
Maalqabeenka Britain ee Jim Ratcliffe ayaa iibsanaya 25% saamiga Manchester United, kaddib markii uu Sheikh Jassim ka baxay iibka kooxda. (Independent)
Bayern Munich iyo Barcelona waxay doonayaan kubbad-sameeyaha Bayer Leverkusen iyo xulka Germany ee Florian Wirtz oo 20 jir ah. (Mundo Deportivo)
Manchester United waxay bisha January iibin doontaa Scott McTominay oo 26 jir ah, haddii ay helaan dalab macquul ah oo lacag fiican xambaarsan. (90 min)
Be the first to comment