Kooxda kubadda cagta Real Madrid ayaa war farxadleh ka heshay dhaawac xiddiga khadka dhexe ee Eduardo Camavinga oo xalay waxyeello kasoo gaadhay ciyaartii xulkiisa France uu guusha kaga gaadhay Chile.
Eduardo Camavinga ayay jug ka gaadhay kuraanta, waxaana garoonka gudihiisa ugu galay dhakhaatiirta laacibkan oo dareemaya xanuun badan, iyadoo garoonka laga saaray daqiiqaddii 40aad ee qaybta hore.
Tababare Didier Deschamps ayaa beddel ku keenay Guendouzi, halka Eduardo Camavinga uu garoonka ka baxay isaga oo si dhib badan ku tallaabsanaya.
Real Madrid ayaa uu walaac ku abuuray dhaawaca Eduardo Camavinga oo yimid waqti ay kusoo fool leedahay ciyaarta adag ee Manchester City ee lugta hore ee wareegga siddeedda Champions League ee April 9,
Goorma ayuu Camavinga kasoo laaban doonaa dhaawaca?
Real Madrid ayaa waxa ay Axadda March 31 la ciyaari doontaa Athletic Bilbao oo ay ku martigelin doonto garoonka Santiago Bernabeu, waxaana la sheegay in uu shaki ku jiro ciyaartaas, laakiin waxa xogtiisa caddayn doona baadhitaanka ay dhakhaatiirtu samayn doonaan.
Wararka hordhaca ah ayaa sheegaya, in Camavinga uu taam u noqon doono ciyaarta Champions League ee Manchester City.
Be the first to comment