Tababaraha kooxda kubadda cagta Arsenal ee Mikel Arteta ayaa iska xaadiriyey ciyaartii da’yarta kooxaha Madrid Derby ee Axaddii xalay, taas oo la arkay isaga oo dhax fadhiya garoonka oo fiirsi dheeraad ah u yeelanaya ciyaartoyda labada kooxood.
Garoonka kooxda Real Madrid ee Alfredo di Stefano ayaa Mikel Arteta uu iska xaadiriyey ka hor intii aanay bilaabmin ciyaartu, waxaana halkaas guul 2-0 ah ku gaadhay Real Madrid oo toddoba dhibcood oo nadiif ah ku qabatay hoggaanka horyaalka LaLiga 2.
Atletico Madrid ayaa waxa da’yarteeda tababare u ah halyeygii hore ee Liverpool iyo Chelsea ee Fernando Torres oo ay iska garab ciyaari jireen Mikel Arteta waqtigii ay labadooduba ka tirsanaayeen xulka U21 ee Spain.
Sidoo kale, Real Madrid ayaa waxa kooxdeeda 19-jirrada tababare u ah halyeygii Liverpool iyo Real Madrid ee Alvaro Arbeloa, waxaana sidoo kale ciyaartan joob joog ka ahaa ciyaartooyo hore oo kale oo garoonka Alfredo di Stefano ku sugnaa.
Be the first to comment