Kooxda kubadda cagta Manchester United waxa ka maqnaan doona toban ciyaartoy kulanka Nottingham Forest ee horyaalka Premier League ee fiidnimada Sabtida ay ku booqan doonaan City Ground Stadium.
Tababare Erik ten Hag oo saxaafadda la hadlay kaddib guushii soo laabashada ahayd ee Salaasadii ay ka gaadheen Aston Villa, ayaa waxa uu sheegay in muddo aan cayinayn ay garoomada ka maqnaan doonaan Luke Shaw iyo Sofyan Amrabat iyadoo laacibka reer Morocco lagu daray xulka qaranka dalkiisa ee ka qayb-gelaya koobka qaramada Afrika.
Harry Maguire, Lisandro Martinez iyo Casemiro ayaa dhamaantood al filayaa inay garoomada kusoo laabtaan bisha January, halka Anthony Martial uu wali u jiifo xanuun aan la shaacin.
Halkan kaga bogo waqtiga ay soo laabanayaan xiddigaha ka dhaawacan Man United
Luke Shaw – Lama hubo waqtiga uu soo laabanayo
Sofyan Amrabat – Lama hubo waqtiga uu soo laabanayo
Mason Mount – Dhaawac Lugta ah – January 2024 ayuu soo laabanayaa
Casemiro – Dhaawac muruqa ah – January 2024 ayuu soo laabanayaa
Victor Lindelof – Dhaawac muruqa sarcanta ah – January 2024 ayuu soo laabanayaa
Harry Maguire – Dhaawac muruqa sarcanta ah – January 2024 ayuu soo laabanayaa
Lisandro Martinez – Dhaawac lugta ah – January 2024 ayuu soo laabanayaa
Be the first to comment