Khabiirka BBC Sport Garth Crooks ayaa soo xushay 11ki xiddig ee todobaadkan ugu fiicnaa horyaalka Premier League.
Dhanka goolka waxaa ku soo baxay goolhayaha Arsenal David Raya kaasoo badbaadino fantastik ah sameeyay kulankii ay 3-0 uga badiyeen kooxda Bournemouth.
Seddexda daafaca danbe ee todobaadkan wacdaraha dhigay waxay kala yihiin xiddiga Crystal Palace Andersen oo cagta la dulmaray Man United, waayo araga Chelsea Thiago Silva oo shabaqa ilaashaday islamarkaana caawin sameeyay kulankii ay 5-0 ku xasuuqeen West Ham iyo daafaca Nottingham Forest Willy Bolly oo qeyb libaax leh ka qataay guushii ay kooxdiisa ka gaartay Sheffield United isagoo caawin sameeyay.
Afarta khadka dhexe waxaa hogaaminaya xiddigaha Arsenal ee Declan Rice iyo kabtan Martin Odegaard oo Gunners ka caawiyay guushoodii todobaadkan, waxaa sidoo kale wacdarro dhigay xiddiga Chelsea Cole Palmer si la mid ah xiddiga Liverpool Harvey Eilliot oo dhaliyay gool aad u qurux badan.
Dhanka weerarka waxaa hogaaminaya xiddiga wacdaraha la soo baxay ee Chelsea Nicolas Jackson oo dhaliyay labo gool islamarkaana caawin sameeyay.
Waxaa sidoo kale hogaaminaya weerarka Erling Haaland oo afar gool shabaqa cusjiyay todobaadkan iyo Hodson-Odoi oo labo gool u dhaliyay Crystal Palace.
SHAXDA ISBUUCA:
(3-4-3): Raya; Andersen, Thiago Silva, Willy Bolly; Harver Elliot, Declan Rice, Odegaard, Cole Palmer; Nicolas Jackson, Haaland, Hodson-Odoi.
Be the first to comment