“Waa No10-kii Ugu Fiicnaa Ee Aan Arko” – Eden Hazard Oo Magacaabay Xiddiga Khadka Dhexe Ee Ka Yaabiyey

Xiddiga xulka qaranka Belgium iyo kooxda Real Madrid ee Eden Hazard ayaa magacaabay kubbad-sameeyihii ugu fiicnaa ee xidhay No.10 ee uu abidkii arko isaga oo ciyaaraya, waana laacib aanu nasiib u yeelanin inuu waligii la kulmo, sidoo kalena aanay iskaga hor imanin garoomada.

Eden Hazard oo ka mid ah xiddigaha xulka qaranka Belgium ee ka qayb-gelaya Koobka Adduunka, isla markaana kusoo bilowday ciyaartii Canada ee ay guusha cidhiidhiga ah gaadheen, taas oo uu garoonka ka baxay qaybtii labaad.

Ciyaarta kaddib ayaa waxa xiddiga reer Belgium la weydiiyey ciyaartoyga uu kaga daydo kubadda cagta ee uu rajayn lahaa in uu hal maalin uun la kulmo, waxaana uu markiiba lasoo booday halyeygii reer Argentina ee Riquelme, isaga oo yidhi: “Waxa uu ahaa ciyaartoyga aan ku dayado, waxa uu ahaa 10kii ugu wanaagsanaa ee abid aan arko isaga oo ciyaaraya. Wali lama aanan kulmin, waxaanan rajaynayaa in ay maalin uun dhici doonto. Ciyaartoyda sida Riquelme oo kale ahi waxay ciyaari kari lahaayeenkubadda maanta.”

Eden Hazard oo hadalkiisa sii wata ayaa intaa ku daray: “Riquelme waxa uu ka mid yahay ciyaartoydii ugu wanaagsanaa taariikhda Argentine. Waxa uu ahaa kubbad-sameeye metelay xulkiisa illaa 2008, waxaana 51 ciyaarood oo uu u saftay uu u dhaliyey 17 gool iyo 20 uu caawiyey.”

Juan Roman Riquelme ayaa usoo ciyaaray kooxaha reer Spain ee Villarreal iyo Barcelona intii u dhaxaysay 2002 illaa 2007, waxaana uu ka  mid ahaa xulkii Koobka Adduunka ee 2006 ee Argentina.

Be the first to comment

Leave a Reply

Your email address will not be published.


*