TOP 25: Difaacyahannadii Ugu Wanaagsanaa Taariikhda Kubadda Cagta Oo La Magacaabay

Halyeyga AC Milan ee Paolo Maldini ayaa loo magacaabay difaacii ugu wanaagsanaa ee soo mara taariikhda kubadda cagta, waxaanu hoggaaminayaa liis ka  kooban 25 difaacyahan oo qaarkood ay wali kusii jiraan garoomada.

Maldini oo cimrigiisii ciyaarood oo dhan ku qaatay AC Milan, waligii uma ciyaarin naadi kale, waxaana muddo 25 sannadood ah oo uu xidhnaa garanka Milan uu kula guuleystay toddoba horyaal oo Serie A iyo shan Champions League.

Sannadkii 2002 ayuu ka fadhiistay ciyaaraha caalamiga ah kaddib markii lasoo gabogabeeyey Koobkii Adduunka ee lagu qabtay Korea iyo Japan, waxaana uu sidaa ku seegay koobkii 2006 ee uu waddankiisu ku guuleystay, kaas oo uu jeclaan lahaa in uu jeclaan lahaa in uu ka mid noqdo koobabka ku jira liiskiisa.

Afti laga qaaday taageereyaasha kubadda cagta ayaa codadka ugu badan la siiyey Maldini, hase yeeshee Nemanja Matic oo Manchester United u ciyaari jiray ayaa si lama filaan ah kusoo galay kaalinta labaad, halka kabtankii Barcelona ee Carles Puyol uu isaguna soo galay kaalinta saddexaad.

John Terry oo Chelsea kula guuleystay koobab badan iyo qaysarkii Jarmalka ee Franz Beckenbauer ayaa dhamaystiray shanta sare, halka Sergio Ramos uu soo cidhiidhsaday kaalinta shanaad.

Ramos oo muddo 16 sannadood ah u ciyaaray Real Madrid ayaa kula guuleystay 22 koob oo ay ku jiraan afar Champions League, hase yeeshee xagaagii hore ayuu si xor ah ugu wareegay PSG, hase yeeshee dhaawacyo ayaa ragaadiyey, waxaanu kaliya u saftay shan kulan.

Ruug-caddaagii xulka qaranka England ee Bobby Moore ayaa ku jira kaalinta toddobaad, waxaanu ka horreeyaa Roberto Carlos, Philippe Lahm iyo Gerard Pique oo buuxiyey tobanka sare.

Halkan kaga bogo 25ka difaac ee ugu fiicnaa taariikhda kubadda cagta ee ay taageereyaashu u codeeyeen

25. Lilian Thurman

24. Ashley Cole

23. Djalma Santos

22. Denis Irwin

21. Dani Alves

20. Cafu

19. Gary Neville

18. Vincent Kompany

17. Jaap Stam

16. Rafael Marquez

15. Fabio Cannavaro

14. Alessandro Nesta

13. Thiago Silva

12. Franco Baresi

11. Rio Ferdinand

10. Gerard Pique

9. Philipp Lahm

8. Roberto Carlos

7. Bobby Moore

6. Sergio Ramos

5. Franz Beckenbauer

4. John Terry

3. Carles Puyol

2. Nemanja Vidic

1. Paolo Maldini

Be the first to comment

Leave a Reply

Your email address will not be published.


*