Maba Naxayo!! Muran Ka Taagan Cidda Dhalisay Goolka Ay Isku Haystaan Cristiano Ronaldo Iyo Bruno Fernandes

Dood ayaa ka taagan ciyaartoyga dhaliyey goolkii koowaad ee xulka qaranka Portugal ee xalay oo ay 2-0 ku jiidheen Uruguay, waxaana goolkaas  ku muransan labada ciyaartoy ee Cristiano Ronaldo iyo Bruno Fernandes.

Kabtanka  xulka Portugal ee Cristiano Ronaldo ayaa ku doodaya inuu isagu dhaliyey goolkaas, waxaana uu si weyn ugu dabbaal-degay markii ay kubaddu shabaqa taabatay iyadoo dhinaca kalena markii ay ciyaartu dhamaatay uu sheegtay goolkaas.

FIFA ayaa waxay goolka u qortay Bruno Fernandes kaddib markii ay kaamirooyinku xaqiijiyeen in Ronaldo aanu taabanin kubadda oo ay ka dallacantay, inkasta oo ay timihiisa taabatay.

Bruno Fernandes ayaa isaguna isku dayay in goolka uu u riixo dhinaca Ronaldo, waxaana uu saxaafadda u sheegay in uu CR7 dhaliyey goolka, balse taas beddelkeeda isaga ayaa loo qoray labadii gool ee xalay uu xulkiisu dhaliyey, kaddib markii uu rikoodhaha dhamaystiray waqtigii dheeraadka ahaa.

Diiwaanka gool-dhalinta Koobka Adduunka, waxa hadda isku mid ah Cristiano Ronaldo iyo Lionel Messi oo min siddeed gool dhaliyey min shan Koob Adduun oo ay ciyaareen, taas oo ka dhigan in Ronaldo aan diiwaanka loo gelinin goolkii koowaad ee xulka Portugal uu ka dhaliyey Uruguay ee uu sida weyn ugu dabbaal-degay.

Sida uu sheegay Piers Morgan, Cristiano Ronaldo ayaa qoraal usoo diray kaddib ciyaarta, waxaana uu u xaqiijiyey in uu madaxiisu taabtay kubadda oo uu isagu dhaliyey goolkaas, waxaanu yidhi: “Ronaldo wuxuu ii xaqiijiyey in madaxiiisu taabtay kubadda. Xataa Bruno ayaa arrintaas ku raacsan.”

Taageereyaasha kubadda cagta ayaa arrintan falcelin badan ka sameeyey, waxaanay qaarkood la yaabeen sida uu Ronaldo ugu doodi karayo inuu dhaliyey kubbad aanu taaban, halka qaarkoodna timihiisa ku tilmaameen kuwo mucjiso ah oo sii riixay kubbad aanu dhab ahaan u taabanin madaxu.

 

Be the first to comment

Leave a Reply

Your email address will not be published.


*