DEG-DEG: Chelsea Oo Sii Wadda Afduubka Ay Ka Samaynayso Suuqa Ayaa Qalbi-jab Ku Ridday Tottenham

Kooxda kubadda cagta Chelsea ayaa afduub kale samaysay, waxaanay dhaxda u gashay xiddig laga sugayey Tottenham oo la filayay in uu maalmaha soo socda tijaabada caafimaadka u maro Spurs.

Chelsea ayaa sii wadda afduubka ay ka samaynayso suuqa iibka ciyaartoyda ee xagaagan oo ay kooxaha Premier League ka hor qaadayso xiddigaha ay sugayaan, waxaanay hore sidan oo kale ugu samaysay Arsenal oo ay waqti dambe ku garaacday Joao Felix iyo Mykhailo Mudryk.

Sida uu xaqiijiyey wargeyska Daily Mail, Chelsea ayaa waxay dhaxda u gashay oo ay qarka u saaran tahay inay Tottenham uga hormarto saxeexa difaaca midig ee Pedro Porro oo u ciyaara Sporting Lisbon.

Tottenham ayaa waxay laacibkan ka gudbisay dalab £32.5 milyan oo Gini, ah, hase yeeshee waxa si lama filaan ah usoo gashay Chelsea oo saaka oo Arbaco ah iyaduna wada-hadallo la bilowday Sporting Lisbon.

Mulkiilaha Chelsea ee Todd Boehly ayaa la sheegay inuu go’aansaday inuu si dhab ah ugu dhaqaaqo saxeexa Porro oo 23 jir  ah, si uu ugu buuxiyo booska difaaca midig ee uu ka dhaawacan yahay Reece James.

Sporting Lisbon ayaa la sheegay in ay dalbanayso £40 milyan oo Gini oo ah lacagta lagu burburin karayo heshiiska laacibkan, taas oo ku qasbaysa Spurs inay kordhiso lacagta ay markii hore dalabkeedii koowaad ku gudbisay.

Porro oo Sporting Lisbon u saftay 96 ciyaarood ayaa u dhaliyey 12 gool, sidoo kalena caawiyey 20 kale, waxaana uu Antonio Conte doonayaa inuu ka ciyaaarsiiyo booska uu saluugga badan ka qabo ee difaaca midig ee uu hadda ku haysto Emerson Royal iyo Matt Doherty.

Be the first to comment

Leave a Reply

Your email address will not be published.


*