Weeraryahanka Barcelona iyo xulka Poland ee Robert Lewandowski oo 35 jir ah, waxa uu wali ku jiraa liiska ciyaartoyda ay bartilmaameedsanayaan kooxaha horyaalka waddanka Sucuudiga. (Sport)
Arsenal waxay rajaynaysaa in ay bisha January ay la saxeexan doonto weeraryahanka reer Portugal ee kooxda Wolves ee Pedro Neto oo 23 jir ah. (Mirror)
Gunners waxay la socotaa 19 jirka reer Ivory Coast ee Ousmane Diomande oo difaaca uga ciyaara Sporting Lisbon. (Givemesport)
Agaasimaha Juventus ee Cristiano Giuntoli ayaa sheegay, in xagaagii ay Chelsea ka wada-hadleen inay is-dhaafsadaan Dusan Vlahovic iyo Romelu Lukaku, laakiin ay Blues ka gaabisay in ay buuxiso shuruuddii Juventus ee qiimaha lacagta Vlahovic. (La Repubblica)
West Ham waxay iska diidday inay si bilaash ah kula saxeexato xiddiga koox la’aanta ah ee Jesse Lingard oo 30 jir ah, sababtoo ah waxay ogaadeen in aanu jidh ahaan taam ahayn. (Football Insider)
Arsenal, Chelsea iyo Tottenham ayaa xiise u muujinaya 22 jirka reer Mexico ee Santiago Gimenez ee weerarka uga ciyaara Feyenoord. (Fichajes)
Xidhiidhka kubadda cagta Sucuudigu waxa uu weerar ku qaadayaa horyaalka Premier League, waxaanay kasoo afduubanayaan garsooreyaasha waaweyn. (Telegraph)
Tababaraha Liverpool ee Jurgen Klopp waxa uu doonayaa in uu xagaaga la saxeexdo weeraryahanka reer Netherlands ee Doyell Malen oo 24 jir ah, si uu ugu buuxiyo booska Mohamed Salah oo ay suurtogal tahay inuu tago Sucuudiga. (Bild)
Bayern Munich waxay wada-hadallo kula jirtaa difaacii hore ee xulka qaranka Germany ee Jerome Boateng oo ay dib usoo ceshanayso dhamaadka xilli-ciyaareedkan. 35 jirkan ayaa waxa uu xor ka noqon doonaa Lyon. (Sky Sports Germany)
Real Madrid waxay doonaysaa in bisha January ay la saxeexato weeraryahanka Athletic Bilbao ee Nico Williams. (Fichajes)
Juventus waxay wada-hadallo kula jirtaa Adrien Rabiot oo ay doonayaan in uu u saxeexo heshiis cusub oo sannad ah oo uu 28 jirkani kusii joogo Allianz Stadium. (Tuttosport)
Be the first to comment