Khabiirka kubadda cagta Paul Merson ayaa soo saaray saadaashiisa kulamada 11aad ee horyaalka waddanka Ingiriiska ee Premier League, isaga oo kala saaray kooxdiisii hore ee Arsenal iyo Newcastle United oo ku ballansan ciyaar si weyn loo sugayo oo dhacaysa Sabtida.
Paul Merson ayaa ka hor inta aanu saadaashiisa gelin waxa uu ka horreysiiyey hordhac uu ku dul-istaagay ciyaarta ugu adag usbuuca ee Arsenal iyo Newcastle United, waxaana uu yidhi: “Ciyaarihii Carabao Cup ee toddobaadkan waxa ka dhashay natiijooyin layaablahaa oo waxa tartanka laga reebay Arsenal iyo Manchester United.
“Gunners waxay heshay wixii ay u qalmaysay sababtoo ah West Ham ayaa ka fiicnayd, laakiin waxa aynu kasoo qaadaynaa in ay ahayd siibasho yar sababtoo ah waxay ku wanaagsan yihiin tartamada kale illaa hadda.”
Waxa kale oo ballansan kooxaha Chelsea iyo Tottenham iyadoo Mauricio Pochettino uu ka hor tegayo naadigiisii hore ee Spurs, waxaana uu Paul Merson jilbaha dhulka u dhigay kooxda hoggaanka u haysa horyaalka Premier League oo uu sheegay in la garaaci doono.
Khabiirku waxa uu saadaaliyey natiijo murugo leh oo ay gelayso Manchester United, waxaana 1-0 kaga badin doonta Fulham, halka Manchester City ay geysan doonto xasuuq marka ay booqato Bournemouth iyadoo Liverpool ay sii xoojisan doonto tartanka ay sannadkan ku jiro waxaanay saddex dhibcood kasoo xoogi doontaa Luton Town.
Paul Merson waxa uu saadaashiisa usbuucan ku sheegay in la barbarrayn doono Arsenal oo ay lumin doonto laba dhibcood, taas oo ka dhigan in Manchester City ay dhaafi doonto oo ay Gunners usoo dhici doonto kaalinta saddexaad ama afraad, halka Chelsea ay guul kala soo laaban doonto safar ay ugu tegi doonto Spurs.
Saadaasha Paul Merson ee usbuuca 11aad ee Premier League
Fulham 1-0 Manchester United
Brentford 2-2 West Ham
Manchester City 3-0 Bournemouth
Sheffield United 1-3 Wolves
Burnley 1-0 Crystal Palace
Everton 1-0 Brighton
Newcastle United 1-1 Arsenal
Nottingham Forest 1-3 Aston Villa
Luton Town 0-3 Liverpool
Tottenham 1-2 Chelsea
Be the first to comment