Khabiirka ciyaaraha BBC Sports ee Chris Sutton ayaa soo saaray saadaashiisa toddobaadkan oo ay iska hor imanayaan naadiyo uu ugu hore ciyaari jiray, waxaana uu sii kala saaray Manchester United iyo Manchester City oo Axadda ku ballansan garoonka Old Trafford.
Chris Sutton ayaa saadaashiisa ka hor yidhi: “Waad ogtihiin in United ay jeceshahay inay ciyaarto kubbadaha garabaha, wayna u shaqaynaysa xilli-ciyaareedkii hore oo kulamo ayay ku guuleysteen, laakiin City waa taabasho, waxayna noqon doontaa sheeko aad uga beddelan.”
380 ciyaarood oo horyaalka Premier League ah ayuu Chris Sutton saadaalinayaA xilli-ciyaareedkan balse waxay jamaahiirta kubadda cagtu haddaba isku eegayaan natiijooyinka kulamadii hore ee uu saadaaliyey iyo wixii kasoo baxay kooxaha.
Chris Sutton waxa uu min saddex dhibcood siiyey Tottenham oo hoggaanka sii dheeraysan doonta Jimcaha caawa, Chelsea, Arsenal iyo Liverpool, haseyeeshee waxa murugo iyo fadeexad uu ugu bushaareeyey Manchester United, waxaana uu sheegay in Pep Guardiola iyo wiilashiisu ay u dababal-degi doonaan shan gool oo ay ku dhalin doonaan Old Trafrord.
Saadaasha Chris Sutton ee usbuuca
Jimce
Crysal Palace 2-0 Tottenham
Sabti
Chelsea 2-1 Brentford
Arsenal 3-0 Sheffield United
Bournemouth 1-1 Burnley
Wolves 0-1 Newcastle
Axad
West Ham 1-1 Everton
Aston Villa 2-0 Luton Town
Brighton 2-0 Fulham
Liverpool 3-0 Sheffield United
Manchester United 1-5 Manchester City
Be the first to comment