Liverpool ayaa si buuxda u rajaynaysa in Mohamed Salah uu sii joogo kooxda xagaagan waxana ay qorshaynayaan in 31 jirka weerarka uga ciyaara Masar uu qayb ka noqdo kooxdooda xilli ciyaareedka dambe. (The Athletic)
Agaasimaha ciyaaraha ee Liverpool Richard Hughes ayaa hogaamin doona wadahadalada qandaraaska cusub ee Salah, kaas oo qandaraaskiisu uu ku eg yahay 2025ka. (Times)
Marcus Rashford ayaan heysan koox uu ku biiro haddii uu ka tago Man United, iyadoo Paris St-Germain ay qaboojisay xiisahooda 26 jirka reer England. (i)
Daafaca Crystal Palace ee 55 milyan ginni lagu qiimeeyo ee England Marc Guehi ayaa waxaa xiiseyneysa Liverpool iyagoo raadinaya bedelka daafaca reer Cameroon Joel Matip kaasoo qarka u saaran inuu baxo marka uu qandaraaskiisu dhaco xagaaga. (Football Insider)
Ajax ayaa doonaysa in ay Erik ten Hag dib ugu magacawdo tababare hadii laga cayriyo kooxda Man United xagaagan. (Daily Mail)
Xiisaha West Ham ee tababarihii hore ee Spain Julen Lopetegui ayaa dib u soo cusboonaatay ka dib markii ay ogaadeen in AC Milan ay ka meermeerayso in ay u magacawdo badalka Stefano Pioli iyo in kale. (Guardian)
Manchester United ayaa weli qorsheyneysa inay Dan Ashworth u magacowdo agaasimaheeda xagaagan iyadoo filanaya inay hishiis magdhow ah xilli dhow la gaaraan kooxda Newcastle. (Football Insider)
Weeraryahankii hore ee England Jermain Defoe oo 41 sanno jir ah ayaa la filayaa inuu tababare ka noqdo kooxdiisa hore ee Sunderland. (The Sun)
Be the first to comment